Gin-anunsyar ni Philippine Amusement and Gaming Corporation Chairperson Alejandro Tengco nga makakuha sang P20 million matapos nga makakuha sang duha ka bulawan nga medalya sa 2024 Paris Olympics.
Sa tion sang deliberasyon para sa proposed 2025 budget para sa PAGCOR sa House of Representatives, ginpahayag ni Tengco nga ang trainer kag coach ni Yulo ang makabaton man sang P10 million cash incentives matapos nga makakuha sang duha ka bulawan nga medalya nga nadag-an sini sa natapos nga men’s vault exercise finals kag sa vault exercise finals.
Ang paghatag sang cash incentives sa mga atleta nga nagdaog sa mga dalagko nga international sports competition ang mandato sang Republic Act 10699 or the National Athletes and Coaches Benefits and Incentives Act, kun sa diin nagahatag sang P10 million reward para sa gold medalists.
Ginamando sang layi nga ang cash incentives ang magagikan sa PAGCOR kag pagakuhaon sang National Sports Development Fund.
Suno kay Tengco: “As provided by law, for the gold medalists, PAGCOR is mandated to give an athlete who wins a gold P10 million. So since he has two golds, Mr. Yulo will get P20 million. I have not announced this in public, so this is the first time,”.
Dugang pa sang PAGCOR chair, nga ang coach kag trainer ni Yulo ang magabaton sang 50 percent sang igahatag sang PAGCOR.
“So in that case, Mr. Yulo will receive P20 million, P10 million per gold that he was able to produce. Then his coach and trainer will receive a total of P10 million, basically P5 million per gold,”.
Magluwas sa government-mandated incentives, ang two time gold medalist ang natalana nga magbaton sang P6 million cash incentive gikan sa House of Representatives.
Gin-ulan naman sang minilyon nga mga pledges gikan sa business leaders sang pungsod, magluwas sa three-bedroom property gikan sa real-estate company nga Megaworld sang P38 million.
