![](https://img.bomboradyo.com/bacolod/2019/12/PASAPORTE.jpg)
Ginpangako sang bag-o nga commander sang 303rd Infantry Brigade sang Philippine Army nga padayon ang ila paglagas sa mga miyembro sang New People’s Army nga nagapangilkil sa Negros Occidental.
Kadungan sang pagpungko ni Col. Inocencio Pasaporte kaina sang aga, ginpahayag sini nga madugay na nagapang-into sa mga pumuluyo ang NPA.
Nagalaom man ini nga kuntani untatan na sang mga pumuluyo ang pagsuporta sa komunista nga grupo.
Santo sa intelligence monitoring sang militar, dako ang ma-income sang NPA sa Negros Occidental bilang grand cultivation area.
Apang aminado si Pasaporte nga may ginapalasik man ang mga opisyales sang grupo nagikan sa ila income kag nakahibalo man sini ang ila mga sumulunod.
Samtang kadungan sang iya pagbiya sa pwesto, ginpahayag ni Brigadier General Benedict Arevalo nga magabalik ini sa Negros matapos ang pagsaylo sa Camp Aguinaldo sa Manila bilang Assistant Staff sa general headquarters.
Nagpanugyan man si Arevalo sa mga miyembro sang NPA nga untatan na ang pag-into sa katawhan bangud nakahibalo ang tanan tuhoy sa ila kabutigan.