May pahanumdom si Commission on Elections Chairperson George Garcia sa mga public official para sa maabot nga Barangay and Sangguniang Kabataan elections sa Disyembre.
Suno kay Garcia, wala ginadumilian ang elected public officials nga mag-endorso sa isa ka kandidato nga magapapili para sa Barangay and Sangguniang Kabataan elections apang paathag sini nga dapat wala sang may matabo nga pagbayaw ukon pag-endorso sang isa ka public official sa Barangay candidates kun wala pa ang adlaw sang kampanya.
Sa karun, basta magfile na sang Certificate of Candidacy ginakonsiderar na nga kandidato ang isa ka indibidwal amo nga wala anay sang pagpangampanya kag hulaton ang pag-umpisa sang campaign period.
Ang filing sang COC ang patigayonon sa Oktubre 1 tubtob 7 kag ang campaign period ang maumpisa sa Nobyembre 20 tubtob 29 kag ang adlaw sang election ang natalana sa Disyembre 1.
