BACOLOD CITY — Ginaplanuhan na sang Bacolod Traffic Authority Office (BTAO) ang mangin epekto sa dalagan sang trapiko sang pagsugod sang construction sang flyover sa corner Magsaysay-Araneta.
Ang pagtukod sang amo proyekto ang magasugod sa Lunes, Marso 27.
Suno kay BTAO head Police Supt. Luisito Acebuche, maapektuhan ang bilog nga intersection sang Magsaysay-Araneta halin sa daan nga opisina sang PAG-IBIG Fund padulong sa Sugarland Hotel.
Sa karun, nagsugod na sa pagkutkot ang kontraktor apang indi pa gid matul-id sang BTAO kun kinahanglan sang rerouting sang mga salakyan bangud indi pa bilog nga dalan ang kinahanglan nga gamiton sa construction.
Suno kay Acebuche, makit-an sang opisina ang mangin scenario sa amo nga dalan kun makaabot na ang mga materyales nga pagagamiton diri apang nagaabiso na ini nga maapektuhan ang dalagan sang trapiko sa lugar bangud sa construction sang flyover.
