Ginkumpirmar sang tagpamaba sang Bacolod City Police Office nga nagapabilin ang ila contact tracing team sa command kag control sang Emergency Operations Center.
Sa interview sang Bombo Radyo kay Police Lt. Col. Ariel Pico, ginpahayag sini nga masobra 100 ka mga police personnel nagikan sa napulo ka mga police stations kag headquarters ang nagapabilin bilang contact tracers.
Suno kay Pico, ginahulat pa ang mando kun tubtob san-o magapabalin sa EOC ang nasambit nga personnel.
Suno diri, kun maneutralize na ang pandemic, amu ina ang tion nga makabalik na sa headquarters kag tagsa-tagsa ka mga stations ang kapin 100 nga mga pulis.
Ginakalipay man sang BCPO nga wala na sang personnel nga nagpositibo sa COVID-19.
Sa latest nga data sang Philippine National Police, nagdangat na sa 9,381 ang kabug-usan nga kaso sang coronavirus sa ahensya kun sa diin 9,008 ang nag-alayo kag 345 ang nagapabilin nga aktibo.
