Nagapati ang convenor sang Power Watch Negros nga ang natabo nga pagkadula sang kuryente kaina sang kaagahon ang bangod sa kapaltahan sang Central Negros Electric Cooperative (CENECO).
Sa interview naman sang Bombo Radyo Bacolod kay Wennie Sancho, ang brownout nga nagluntad wala natabo sa oras kun sa diin madamo sang mga economic activity.
Suno diri, nagapalamungol na ang makabati sang rason sang CENECO nga bangod sa pag-activate sang protective equipments amo nga nagbrown-out.
Apang, para kay Sancho nga natabo sa karun ang kapaltahan sang CENECO bangod sa equipment failure.
Pamangkot sini nga tubtob san-o nga maga-antos ang mga konsumedor, kag amo nga sa karun nagapinsar ini nga ipa-expedite ang franchise sang Negros Electric Power Corp. (NEPC) agud mamitigate ang kabudlayan sang consumers sa franchise area sang CENECO.
Kag kun indi sa gihapon ma-address ang ini nga problema magasulat ini kay Bacolod City Mayor Alfredo Albee Benitez nga magpatukod sang local body para sa ini nga mga problema.
