Ginpahayag sang alkalde sa ciudad sang Bacolod nga ang convention ang ginpatigayon agud nga mahatagan man sang importansya ang mga lideres sang Bacolod Team Asenso.
Suno kay Bacolod City Mayor Alfredo “Albee” Benitez, ang mga leaders ang dapat may yara sang stake indi kay hatagan lamang sila sang mga kandidato nga ila kampanyahan sa tion sang election.
Suno diri, gindihon ang convention agud mismo ang mga ini ang makapili sang mga indibidwal nga luyag magpapili sa masunod nga election.
Kapin 30 mil man ka leaders ang magapili sa mga nagpabutyag na nga magapapili sa maabot nga piniliay.
Ang barangay naman ang makahibalo kun sa diin patigayunon ang pagpili sang mga magakandidato sa maabot piniliay.
Suno sa alkalde madamo ang nagpabutyag nga luyag magpadalagan sa konsehal apang duha lamang ka slot ang available.
