Naghatag sang panan-awan ang convenor sang Amlig Tubig angot sa ginpatigayon nga public hearing tuhoy sa problema sa tubig sa ciudad nga ginpangunahan sang chairperson sang Committee on Energy and Public Utilities sa Sangguniang Panlungsod sang Bacolod.
Sa interview sang Bombo Radyo Bacolod anay Councilor Wilson Jun Gamboa, gin-ako sang general manager ang Bacolod City Water District (BACIWA) nga napaslawan ang mga ini sa paghatag sang maayo nga supply kag kalidad sang tubig.
Suno kay Gamboa, wala man nagtupa ang investment nga ginpahayag sang Prime Water nga ginpromisa antes magsulod sa Joint Venture Agreement sa BACIWA.
Suno diri, nagagwa sa karun nga ang ginbayad sang mga pumuluyo amo ang ginagamit sa maintenance ukon kun ano nga kinahanglanon sang water distributor.
Suno kay Gamboa, daw ginagisa ang mga kunsumidor sa kaugalingon nga mantika.
Suno diri, nangin honest man ang general manager sang BACIWA sa pag-ako sa public hearing nga may yara sila sang kapaslawan sa pagtuman sa nakasaad sa kontrata.
