Nagahulag na sa karun ang Department of Agriculture (DA) kag Sugar Regulatory Administration (SRA) agud malikawan nga maparalyze ang produksyon sang kalamay sa pungsod kag maproteksyunan ang mga mangunguma batok sa nagahilapit nga kakulangan kag nagasaka nga presyo sang langis kag abono bangud sa nagapadayon nga gyera sa Middle East.
Pormal na nga nagpakig-angot ang DA kag SRA sa nagkalain-lain nga ahensya sang gobyerno, partikular ang Department of Energy (DOE), agud mapasiguro ang malig-on nga supply sang petrolyo kag abono.
Santo sa DA, kritikal ang sitwasyon bangud yara subong sa harvest cycle kun sa diin madako ang demand sang langis.
Ginkumpirmar ni SRA Administrator Pablo Luis Azcona nga ginpadulong na ini nila kay Agriculture Secretary Francisco Tiu Laurel Jr. agud pormal nga mapalab-ot sa DOE ang ginakahangaw-an subong sa bug-os nga sugar industry.
