Pangitaan lamang sang masayluhan ang deaf kiosk nga gintukod sa Bacolod City Public Plaza.
Sa interview sang Bombo Radyo Bacolod kay Bacolod City Legal Officer Atty. Romeo Carlos Ting Jr. nagrequest ang Bacolod Integrated Deaf Association nga sila ang mahatagan sang lugar sa plaza kun sa diin makatililipon ang mga deaf kag mute para hamtangan sang sign language skills materials.
Apang wala sang na-estoryahan nga specific nga location, kag nakibot na lamang si Bacolod City Mayor Alfredo “Albee” Benitez nga may gintukod na nga daw kaangay sang tyangge sa plaza.
Ini matapos nga ginrennovate sang asosasyon ang isa sa mga waiting shed agud nga gamiton bilang meeting place kag plano man sang mga ini nga baligyaan sang mga produkto sang deaf community.
Apang panindugan ni Ting nga wala sa diskusyon ang pagbaligya bangod may mga ambulant vendors lamang nga ginhatagan otoridad nga makabaligya sa plaza, kag sila ang nakacart nga sarang lamang mahimos.
Sa pihak nga bahin ang deaf kiosk ang permanent structure kag wala naga-ugyon sa total rennovation nga plano sang alkalde.
Dugang pa ni Ting nga ginsugilanon na nila ang San Sebastian Catedral nga indi na makabutang sang balaligyaan sa kilid sang plaza, kag ini ang unfair kun ang deaf kiosk ang pahanugutan lamang.
Ginalantaw sini nga pangitaan na lamang sang masayluhan ang deaf community.
