Personal nga nagtawag si Democratic Vice President Kamala Harris kay Republican Donald Trump agud ini ang icongratulate sa nangin kadalag-an sa US Presidential Elections.
Ini ang makabig na nga pagconcede ni Harris sa Presidential race, nga ginahulat sang madamo nga Americans matapos nga makatipon sang 277 votes si Trump, nga mas dako sa majority vote nga 270 partikular na sa mga swing states.
Nadag-an na ni Trump ang nagakaigo nga mga battleground states lakip na ang Pennsylvania, North Carolina kag Wisconsin, agud masecure ang presidency kun sa diin may pipila pa ka mga estado ang wala nakadeklarar, apang kun sumahon indi gihapon makalagas ang boto ni Harris.
Magluwas sa mga early projections sa mga key battleground states, nalutos man ni Trump si Harris sa popular vote, ang labing una nga Republican nga naglead nationally humalin kay George W Bush sang 2004.
Santo sa ginlauman, nakuha ni Trump ang kadalag-an sa conservative strongholds sa palibot sang Estados Unidos samtang nadag-an naman ni Harris ang liberal states nagikan sa New York padulong sa California.
Alas-5:30 subong nga aga, oras sa Pilipinas, so Harris ang naghatag na sang speech sa pagconcede sa eleksyon.
Nagpasalig man ini nga sila ang magabulig para “peaceful transfer of power”.
