BACOLOD CITY — Ginpasiguro ni Department of Interior and Local Government (DILG) officer-in-charge (OIC) Secretary Catalino Cuy nga wala sang madislokar nga mga empleyado kasunod sang pagbungkad ni Presidente Rodrigo Duterte sang Negros Island Region (NIR).
Sa interview kay Cuy ginpahayag sini nga wala sila sang nakit-an nga problema sa mangin set-up sang mga empleyado sang Negros Island Region
Paathag sang tiglikom nga ang mga empleyado sa ginbungkag nga rehiyon ang gikan sa Region 6 kag Region 7 rason nga ang ila himuon amo lamang ang pagbalik sa ila sa ginhalinan nga talatapan.
Subong man ang mangin set up sa Philippine National Police (PNP).
Suno sa DILG OIC, ang mga empleyado kag police personnel nga kalakip sa NIR ang iga-distribute sa nagkalain-lain nga opisina agud mabutang sa gihapon sa table of organization.
Dugang pa ni Cuy nga ila man lantawon ang estado sang mga contractual worker nga maapektuhan sa pagdula sang NIR.
Ginhatagan man sang kasanagan ni Cuy nga indi tuman kadaku nga problema ang ila atubangon sa pagbungkag ni Duterte sang NIR.
