Gin-anunsyar sang Department of Transportation (DOTr) kahapon nga ginatinguhaan na sang ahensya nga magalunsyar sang direkta nga flight sa tunga sang Pilipinas kag Israel.
Santo sa DOTr, ang nasambit nga plano ang isa ka importante nga tikang padulong sa mas maayo nga biyahe sa tunga sang Manila kag Tel Aviv.
Ini ang kasunod sa mando ni Presidente Ferdinand “Bongbong” Marcos Jr. nga pasangkaron ang international nga koneksiyon sa iban nga pungsod.
Suno kay Transportation Secretary Giovanni Lopez, mahimo nga masugudan na ang pagtrabaho sa direkta nga byahe humalin Israel tubtob Pilipinas sini nga tuig.
Nagpasalig man ini nga magpakig-angot sa Philippine Ambassador sang Israel nga si Aileen Mendiola, amo man sa Department of Foreign Affairs (DFA), kag sa iban pa nga nagakaigo nga ahensya sang gobyerno agud mapatigayon ang ini nga tikang.
