Nagpaandam ang Department of Health sa publiko batok sa mga aksidente sa dalanon, heat-related kag foodborne illnesses sa karun nga Semana Santa.
Sang Holy Week sang tinalikdan nga tuig, nakarekord ang DOH sang 631 ka mga kaso sang road traffic-related injuries.
Kalabanan sa mga kaso ang ginalakipan sang mga motorista nga wala nagasuksok sang safety gear kaangay sang helmets kag seatbelts kag nagsuprer sang mga lagob, body fractures kag pilas sa ulo.
Nagpahanumdum man ang ahensya sa publiko nga siguruhon nga yara sa maayo nga kondisyon ang ila mga salakyan kasubong man ang mga nagadrive antes magbyahe.
Suno sa DOH, santo sa forecast sang Philippine Atmospheric, Geophysical and Astronomical Services Administration (PAGASA), posible nga magdangat ang kainiton sa masunod nga apat ka adlaw sa “extreme caution” category ukon 33 to 41 degrees celsius nga heat index.
