Ginaverify pa sang Department of Health- Negros Island Region kun may positibo nga kaso sang Glanders Disease sa rehiyon.
Ang Glanders disease ang isa ka bacterial disease tuga sang Burkholderia mallei nga makit-an sa mga kasapatan ilabi na sa mga kabayo kag ini ang makalalaton indi lamang sa mga sapat apang kasubong man sa tawo.
Suno kay Provincial Health Officer Dr. Girlie Pinongan, may pila ka mga indibidwal sa probinsya sang Siquijor ang gindala sa ospital nga ginasuspetsohan nga nalatnan sang nasambit nga sakit.
Suno diri, mahimo man nga magsuprer sang ini nga sakit ang mga baboy, kanding kag karbaw.
Sa inisyal nga report, nagkaon sang gin-ihaw nga karbaw ang mga persona kag mahimo nga ang sapat ang infected sang sakit nga Glanders disease.
Ang sintomas sa ini nga sakit ang paghilanat, muscle pain, chest pain, pagpalanakit sang ulo, nagaluha-luha ang mata, skin rashes, elcer, pnuemonia, kag diarrhea.
Sa karun gina-imbesrtigahan pa ano ang sakit nga nakuha sang mga persona nga gindala sa ospital kag kun ini bala ang Glanders disease.
