Nadayon na ang dry run sang pagbiyahe sang electric jeepney sa green route nga nahamtang sa Barangay Vista Alegre ciudad sang Bacolod.
Sa interview sang Bombo Radyo Bacolod kay Councilor Al Victor Espino, chairperson sang Committee on Transportation sa Sangguniang Panlungsod, personal sini nga ginsaksihan ang dry run kag nagsakay man siya mismo sa electric jeep kag nakita nga madasig napuno ang electric jeep halin sa relocation site padulong sa Burgos.
Suno diri ginavalidate sa nasambit nga dry run ang efficiency sini kag ang comfort nga mahatag sa pasahero.
Nakita man sini nga nalipay ang mga pasahero sa nasambit nga ruta bangud may yara na sang jeep kag mahimo na sila nga makatipid.
Napaathagan na ang mga tricycle drivers nga nagbalabag sa dry run sang electric jeep sa green lane sang ciudad.
Suno kay Espino dako gid nga bulig sa mga pumuluyo ang pagbutang sang jeep nga magbiyahe halin sa relocation site bangud dako ang makinot sa pletehan.
