Liwat na naman nga nabalaka ang transport sector sa pag-umpisa na naman sang pagsaka sang preyso sang produktong petrolyo.
Sa interview sang Bombo Radyo Bacolod kay Modesto Floranda, presidente sang Pagkakaisa ng mga Samahan ng Tsuper at Opereytor Nationwide (PISTON), may yara na naman sang ginalauman nga serye sang oil increase.
Suno diri, bisan naghambal pa ang Department of Energy nga dapat may basehan sa pagpasaka sang presyo apang wala man ini ginasunod sang mga fuel companies.
Suno kay Floranda, naka-attend ini sa duha ka hearing sa kongreso kag senado kag nahibaloan sini nga may yara sang million barrels sang gatong nga nastack sa Asia Pacific amo nga wala sang rason kun ngaa may yara sang pagsaka.
Dugang pa sini, madamo pa sa karun sang wala nakabaton sang ayuda apang liwat na naman nga may yara sang saka sa presyo sang produktong petrolyo.
Subong nga adlaw, may yara sila sang ginaptigayon nga protesta sa pagkondenar sa oil price hike kag suno kay Floranda indi sila mag-untat sa pagprotesta tubtob nga wala nabasura ang oil deregulation law kag excise tax kag tutbob nga indi manaog sa kapin P55 ang presyo sang kada litro sang produktong petrolyo.
