-- ADVERTISEMENT --
Ginsiguro sang Department of Trade and Industry (DTI) nga indi magsaka ang presyo sang mga basic commodities tubtob Abril 30 matapos ini nakighinun-anon sa mga manufacturer sang nakaligad nga Abril 6.
Suno kay DTI Secretary Ma. Cristina Roque, indi dapat mag-panic buying ang publiko bangud bastante ang suplay sa mga produkto sa mga masunod nga semana.
Nalakip sa kasugtanan ang mga produkto nga may suggested retail price (SRP) kaangay sang de-lata nga sardinas, gatas, tinapay, kape, instant noodles, bottled water, laundry soap, kandila, asin, de-lata nga karne, condiments, kag toilet soap.
Padayon man ang pagmonitor sang DTI sa mga baligyaan kag nagapabilin nga barato ang presyo sang mga balaklon.
