Ginalantaw nga liwat na nga magabalik ang kabuhi sa panibag-o nga school year sa Clark County sa Las Vegas, Nevada, USA.
Ini kasunod sa pag-abot sang bag-o nga grupo sang special education teachers gikan sa Pilipinas karun nga nagapangatubang sang teacher shortage ang Nevada.
Humalin palang sang 2017, ang Clark County School District ang nagarecruit na sang Filipino teachers pinaagi sa J-1 Cultural Exchange Program agud maaddress ang mga areas nga mas nagakinahanglan sang dugang nga manunudlo kaangay sa special education, elementary education kasubong man sa math kag science.
Sa pagpadayun sang tradisyon, ginwelcome sang mga local Filipino-American kag Asian organizations ang Batch 8 sang mga recruits para sa subong nga tuig nga nagdangat sa 150.
Kadam-an sa mga ini ang first time nga mapalayo sa ila pamilya.
Sa pagsugod sang 2024 school year, amat-amat naman nga ginalunsyar ang nanarisari nga back-to-school events sa Nevada kaangay sang mga nagahatag sang backpacks nga puno sang school supplies sa mga estudyante.
