Duha ka babayi sa Victorias, arestado matapos serbihan sang warrant of arrest bangod sa cyber libel

Arestado ang magparyentihanay nga babayi matapos ginserbehan sang warrant of arrest sa kaso nga cyber libel sa ciudad sang Victorias, Negros Occidental

Ang mga suspect ang ginkilala nga sanday Rowena Jevera kag Kimberly Talaban.

Sa interview sang Bombo Radyo Bacolod kay Police Captain Genus David, deputy chief of police sang Victorias City Police Station, ang warrant of arrest ang gin-issue sang Pasay City Court kag sila ang nagbulig lamang sa pagserbe sang Pasay City Police Station.

Samtang antes paman maserbe ang arrest warrant, una na nga nagvoluntary surrender si Jevera.

Panawagan na lamang sang mga ini sa mga pumuluyo, nga kun may away indi na ipaagi sa social media kag mag-atubangay na lamang personal.