Pormal na nga ginpasa ni House Secretary General Cheloy Velicaria-Garafil ang duha ka impeachment complaint batok kay Vice President Sara Duterte sa opisina ni Speaker Faustino “Bojie” Dy III.
Suno kay Garafil nga ginpasa na ang mga dokumento kahapon matapos makumpleto sang iya opisina ang pagbaton kag verification sang impeachment complaint kag ang mga pag-endorso sini.
Gin-file ang una nga verified impeachment complaint sang mga myembro sang Makabayan Coalition kag gin-endorso nanday ACT Teachers party-list Rep. Antonio Tinio, Gabriela Women’s Party Rep. Sarah Jane Elago, kag Kabataan party-list Rep. Renee Louise Co.
Ang ika-duha naman nga impeachment complaint ang gin-endorso nanday Mamamayang Liberal Party-list Rep. Leila de Lima kag Akbayan Party-list Rep. Perci Cendania.
