Nagpanawagan ang Group of Environmental Socialist Inc. sa tanan nga tandaan kag tumanon ang obligasyon sa pagprotekta sa kalibutan kasunod man sa selebrasyon sang 60th Earth Hour sa Marso 23,2024.
Sa interview sang Bombo Radyo kay Randy James Rojo, ang earth hour isa ka pagpadumdum apang para sa iya ang selebrasyon sa pagprotekta sa kalibutan ang dapat nga ginahimo kada adlaw-adlaw.
Suno diri, ang ginabatyag nga climate change kag ang pagkaguba sang kalibutan ang bangod man sa gawi sang tawo.
Kun kaisa nagakalipatan nga ang kadutaan ang isa ka living organism nga nagakaguba kag nagakapatay bangod sa chemical nga ginahaboy sa duta.
Dugang pa sini, dapat may yara sang plano ang gobyerno, bangod nga ang kabukiran nagakaguba sa pagtukod sang energy development.
Kasubong man nga nagpanawagan ini ang patas nga pag-implementar sang layi nga indi lamang pagpaboran ang may kasarang.
Pahayag ni Rojo, dapat nga magtindog kag magtrabaho sang aton obligasyon sa pagprotekta sa kalibutan.
