Nakakita ukon nakabati ka na bala nga gindul-ong sang isa ka presidente ang bata sa eskwelahan?
Ang presidente sang Republic of North Macedonia ang trending sa karon sa social media matapos nga gin-updan sini ang onse anyos nga bata nga nagasuprer sang down syndrome padulong sa ila eskwelahan matapos nga mabatian sini nga ginabully ini sang iban nga estudyante.
Ang presidente ang gindayaw bangud sa ginhimo sini nga tikang padulong sa inclusivity.
Matapos mabatian ni President Stevo Pendarovski nga ang 11 anyos nga si Embla Ademi, nga nagapuyo sa Gostivar, ang nagapangatubang sang diskriminasyon, nagpakigkita ini sa bata agud ipakita man ang suporta.
Gindul-ong man ni Pendarovski ang bata sa iya eskwelahan nga Edinstvo.
Nagsuksok ang presidente sang denim jeans kag blazer kag gin-updan man sang security aid, kaupod ang himata sang bata.
Nakighinun-anon man ang presidente sa pamilya sang bata agud nga mahangpan ang ginapangatubang nga day-to-day challenges kalakip na ang pagpanghangkat kalakip na ang bullying kag gin-engganyo man sang presidente ang ginikanan sang bata nga ipakigbato sang mga ini ang pagprotekta sa kinamatarong sang ila kinamatarong sini.
Ginpahayag man sang presidente nga dapat wala sang bata nga mabayaan kag ang mga kabataan nga may special needs ang indi lang mag-enjoy sang ila kinamatarong kundi dapat makabatyag nga sila ang equal kag welcome sa mga lugar kun sa diin ang mga ini ang mahimo makatuon.
Nangin sikat ang bata online kag nakakuha sang nasari-sari nga reaction nagikan sa social media users.
