Nangin matawhay ang katapusan nga adlaw sang Filing of Certificate of Candidacy para sa provincial position sa probinsya sang Negros Occidental.
Kaina sang aga nagfile sang COC si anay Vice Governor Genaro Lim-ao Alvarez para sa pagka-alkalde sang ciudad sang Kabankalan.
Madumduman nga nagfile man sang COC si Former Governor kag Former Kabankalan City Mayor Isidro “Elpidio” Zayco para sa pagka-alkalde sang ciudad kag si Vice Mayor Miguel “Migz” Zayco naman ang magapare-elect sa posisyon.
Samtang, sang hapon naman nagfile sang COC si incumbent Kabankalan City Mayor Benjie Miranda para magpare-elect kag ang running mate sini amo ang iya asawa nga si Divina para sa pagka-bise alkalde.
Samtang, nagfile man sang COC si 5th District Congressman Dino Yulo para magpare-elect samtang ang bata sini nga si Miguel Angelo Yulo ang nagfile sa pagka-alkalde sang banwa sang Isabela kag siya ang magabunggo kay incumbent Mayor Irene Montilla.
Apang, nagpasa man sang COC si Board Member Anthony Dennis Occeño para mangin kongresista sang 5th District.
Nagpasa man sang COC si anay Hinobaan Mayor Ernesto Estrao para sa pagka-kongresista sa 6th District.
Nagfile man sang COC si EB Magalona Mayor Marvin Malacon bilang vice mayor samtang ang iya bata nga si Matthew Louis Malacon amo ang nagpapili bilang alkalde sang banwa.
Sa banwa sang La Castellana, nagfile sang COC sa pagka-alkalde si La Castella SB member Añejo Nicor samtang mangin bise alkalde naman si incumbent Mayor Rhummyla Nicor Mangilimutan.
