Isa ka Filipina aviation instructor ang gin-anunsyar bilang 2021 Military Instructor of the Year (MIOY) sa midgrade enlisted category para sa Naval Education and Training Command (NETC) sa ginpatigayon nga seremonya sa Florida, USA sang Marso 30.
Si First Class Beatriz Cruz sang Aviation Support Equipment Technician Center for Naval Aviation Technical Training Unit North Island, California, ang nahibaluan nga tumandok sang Subic Bay Freeport Zone.
Sa isa ka post, ginpahayag ni NETC Commander Rear Admiral Pete Garvin, nga ginakilala sang NETC Military Instructors of the Year program ang mga Sailors kag officers nga nagapakita sang mga ugali kaangay sang sustained superior performance, leadership, self-improvement, command and community involvement, exemplary military bearing kag ang abilidad sa epektibo kag klaro nga pagpakigbahin sang ihibalo pinaagi sa educational context.
Si Cruz ang isa sa mga ginatos ka sailors nga nagcompete para sa titulo nga NETC MIOY, kag nagarepresentar sang top achievers gikan sa kapin 10,000 military instructors sa masobra 1,640 subordinate activities, sites, districts, stations kag detachments sa bilog nga kalibutan.
Siya ang nakabatun sang Navy and Marine Corps Commendation Medal para sa iya nga achievement.
Suno kay Cruz, ang pagserbe bilang isa ka instruktor ang pinakamanami nga eksperyensya para sa iya.
Dugang pa sini nga ang mga staff members sa ila nga Maintenance Training Unit ang nagasalig sa expertise sang kada isa agud nga makahatag sang pinakamaayo nga training.
Pahayag sini nga kada atubang sa estudyante ang tyansa para sa iya agud nga makahatag sang mga kaalam nga magamit sang mga ini sa ila nga mga mangin career.
Mahimo nga ini ang panibag-o nga abilidad, leksyon sa kabuhi nga ginpakigbahin sang tagsa sa ila ukon ang bulig nga ginhatag sa tion sang transition sang commands.
Si Cruz ang isa ka kwalipikado nga Master Training Specialist nga nagpanguna na sang tatlo ka training evolutions nga nagpahanugot sa 12 ka iban pa nga mga instructors agud makaangkon man sang MTS qualifications.
Si Cruz ang naggradwar sang 2005 sa Regional Science High School – Region III sa East Kalayaan, Subic Bay Freeport Zone.
Siya ang 2009 graduate sa University of Santo Tomas sa Manila, kag nakaangkon sang Bachelor of Arts in Economics.
Si Cruz ang nakaangkon man sang Masters Degree sa Business Administration sang 2018 sa National University sa San Diego, California.
Si Cruz ang bata nanday Maria Dolores kag Fernando Cruz, lunsay mga Pilipino.
