Napierde ang 20-ayos nga Filipina Tennis Ace nga si Alexandra “Alex” Eala batok sa American player nga si Claire Liu sa Round of 32 sang Guangzhou Open sa score nga 2-6, 6-4, 6-4, sa China kahapon.
Matapos ang madinalag-on nga first set, nakakuha si Eala sang 4-2 nga abanse sa ikaduha nga set antes naka-recover si Liu kag nagapadayon sa deciding set.
Samtang, sa ikatatlo nga set, may yara sang 3-1 nga abanse si Eala, apang nakabawi si Liu kag nagpatas ang score.
Ginsundan ni Eala sang 4-3 nga lead, apang naka-patas sa liwat si Liu kag sa ulihi nakuha ang kadalag-an.
Mahibaluan nga ini ang ikaduha nga sunod-sunod nga first-round exit sang main draw ni Eala, kasunod sang iya temprano nga kapierdehan sa Japan Women’s Open sang tinalikdan nga semana batok kay Tereza Valentova.
Apang may yara pa sang paglaum si Eala sa doubles tournament kun sa diin magapartner sila ni Nadiia Kichenok batok sa tandem nanday Tang Qianhui kag Emily Appleton subong nga adlaw.
