Ginpahayag sang City of Manila nga magahatag ini sang P500,000.00 nga incentive kay EJ Obiena.
Ini matapos nga nakakuha sang ikaapat nga pwesto si Obiena sa nagapadayon nga 2024 Paris Olympics.
Sa social media post ni Manila City Mayor Dra. Honey Lacuna, ginpahayag sini nga ang reward nga igahatag ang agud kilalahon ang talento ni Obiena nga nagikan sa Tondo.
Samtang, ginpahayag naman ni Obiena nga desisyunan pa sini kun magabalik siya sa paghampang sa 2028 Olympics nga patigayunon sa Los Angeles, USA.
Nagpangayo man ini sang pasaylo bangud ini ang nagtapos sa Paris Olympics nga 4rth lang.
Una naman nga nagpahayag ang City of Manila nga magapatigayon ini sang hero’s welcome para kay Carlos Yulo nga nagdaog sang duha ka gold medal sa Summer Games.
