Nagpanaog sa number 3 ang Filipino pole vaulter nga si Ernest John “EJ” Obiena santo sa rankings nga ginpagwa sang World Athletics.
Naggwa ang update pila ka adlaw nga natapos ang 2024 Paris Olympics kun sa diin ginkabos ang Pinoy pride sa men’s pole vault finals kag nagpang-apat lamang sa kumpetisyon.
Halin sang Hulyo 2023 tubtob sa Summer Games, ang 28-anyos nga tumandok sang Tondo, Manila ang yara sa ikaduha nga rank.
Nagpabilin naman sa una nga pwesto ang pole vault superstar nga si Mondo Duplantis sang Sweden nga nakadepensa man sang iya gold medal sa Paris; samtang ang American naman nga si Sam Kendricks nga anay number 3 ang nagsaka sa ikaduha nga pwesto kasunod man sang silver medal finish sa karun nga Olympics.
Ang bronze medalist naman nga si Emmanouil Karalis sang Greece ang nagsaka sa no. 4 gikan sa number 8 nga rank nga nakuha sang Hulyo.
