I-finalize na sa Miyerkules ang report natuhoy sa pagpangluthang nga natabo sa Senado sang Mayo 13.
Sa subong, ginatipon sang Department of the Interior and Local Government (DILG) ang mga kopya sang CCTV footage.
Ginkumpirmar ni DILG Secretary Jonvic Remulla ang tikang matapos ginpahayag ni Acting Sergeant-at-Arms Mao Aplasca nga limitado lamang ang ila natipon nga CCTV footages.
Suno kay Aplasca, wala sang nakuha nga footage nga nagapakita sang aktwal nga hulag sang mga tinawo sang Senado kag Philippine Marines sa tion sang pagpalupok.
Ginpahayag ni Remulla nga may yara sila sang video naggikan sa media press nga ginausisa subong sang mga otoridad.
Madumduman nga nagluntad ang kinagamo matapos liwat nga nagtuhaw sa Senado si Senator Ronald “Bato” dela Rosa matapos ang anum ka bulan nga pagpanago.
Si Dela Rosa ang ginaangot bilang “indirect co-perpetrators” sa imbestigasyon sang International Criminal Court angut sa war on drugs.
