Ginmando sang Sandiganbayan Special Third Division ang temporary nga pag-detain kay former Senator Ramon “Bong” Revilla Jr. sa Quezon City Jail Male Dormitory sa Barangay Payatas.
Ini ang nag-ugat nagikan sa malversation case nga gin-file sang Ombudsman batok kay Revilla kag anum ka iban pa nga indibidwal angot sa ginaalegar P92.8-million ghost flood control project sa Pandi, Bulacan.
Apang mangin temporary lang ang detention sang anay Senador sa Quezon City Jail bangud nga nag-file sang mosyon ang kampo sini nga i-detain sia sa Philippine National Police (PNP) Custodial Center.
Iga-hearing sang korte ang mosyon ni Revilla sa Biyernes, Enero 23.
Madumduman nga sang Enero 19, nag-issue sang warrant of arrest kag hold departure order ang Sandiganbayan Third Division batok kay Revilla kag mga co-accused sini.
Gilayon naman nga nagsungka ang anay mamalidha sa PNP-Criminal Investigation and Detection Group (PNP-CIDG) sa Camp Crame.
