Alas-2:00 kaina sang kaagahon, ang ginabantayan nga Low Pressure Area sa sulod sang Philippine Area of Responsibility ang nadevelop na bilang isa ka Bagyo.
Ang Tropical Depression “VERBENA,” ang ulihi nga nasiplatan sa 345 km sa nasidlangan sang Surigao City, Surigao del Norte.
Dala sini ang kabaskugon sang hangin nga nagadangat sa 45 km/h kag pagmadlos nga tubtob 55 km/h.
Ang Bagyo ang nagahulag padulong sa nakatungdan nga dereksyon sa kadasigon nga 30 km/h.
Bangod sa Bagyo VERBENA, lauman ang maulanon nga panahon sa atun sa Negros Island Region, Eastern Visayas, Central Visayas, Iloilo, Guimaras, Caraga, kag Masbate.
Lapta-lapta man ang lauman nga pag-ulan sa nabilin nga bahin sang Visayas, MIMAROPA, kag nabilin nga bahin sang Mindanao nga dala naman sang Trough ukon extensyon sang Bagyo VERBENA.
Shear Line ukon ang pagbunggu-anay sang mabugnaw nga Northeast Monsoon ukon Amihan kag mainit nga Easterlies ukon ang hangin gikan sa Dapat Pacifico, ang magapaulan sa Metro Manila, Cordillera Administrative Region, CALABARZON, Cagayan, Isabela, Quirino, Nueva Vizcaya, Nueva Ecija, Bulacan, Aurora, kag nabilin nga bahin sang Bicol Region.
Apektado naman sang Amihan ang Pangasinan kag nabilin nga bahin sang Central Luzon nga mangin maulanon man subong nga adlaw.
Samtang ang nabilin nga bahin sang Luzon ang magapabilin nga may makanay nga panahon, luwas sa mga pagpanalithi nga mahimo matuga sang Amihan.
