Pagasuportahan sang gobernador sang Negros Occidental ang gina-propose nga joint venture agreement sa tunga sang Northern Negros Electric Cooperative (NONECO) kag Negros Electric and Power Corporation (NEPC).
Suno kay Governor Eugenio Jose Lacson, suportahan sini ang proposal sa JVA sa tunga sang duha ka electric distributor bangud nakita man kun paano magtrabaho ang Negros Power sa Bacolod City.
Suno kay Lacson, makita gid nga may yara sang capital ang Negros Power sa paghimo sang proyekto nga makaimprubar sa paghatag sang serbisyo.
Suno diri ang masami nga problema sang kooperatiba nga kinahanglan sang approval sang capital expenditure (CAPEX) apang wala man ini ginaaprubahan.
Suno kay Lacson paagi sa JVA ginalantaw nga mangin maayo ang serbisyo sang NONECO.
Gindayaw sang gobernador ang performance sang Negros Power ilabi na sadtong nagluntad nga lapnagon nga brownout kag bag-o pa lang nagsulod ang nasambit nga electric distributor sa area sang CENECO nga madasig napabalik ang supply sang kuryente.
Suno diri kun CENECO sagihapon ang electric distributor sang nagluntad ang problema mahimo nga nabulanan antes ini nasolbar.
