Ginatos ka mga demonstrador na ang naaresto sang mga kapulisan sa mga university kag campuses sa Estados Unidos nga nagapatigayon sang protesta may kaangtanan sa gyera sa Gaza.
Suno kay Bombo International Correspondent Noor Morana direkta sa Houston, Texas, kapin 300 ka mga protesters ang naaresto sa Columbia University kag City College of New York samtang padayon nga nagaclash ang mga nagapatuman sang layi kag ang mga nagaprotesta sa mga colleges sa bilog nga Estados Unidos.
Sa Columbia, ginclear sang mga officers ang mga nagaprotesta nagikan sa mga encampments kag sa isa ka occupied building.
Ginghingyo sang university ang mga kapulisan sa New York nga magpabilin sa campus tubtob sa Mayo 17.
Kanselado naman ang klase sa University of California, Los Angeles matapos ang ginamo nga nagluntad sa tunga sang pro-Palestinian protesters kag Israel supporters.
Suno kay Morana, madamo ang mga Jews nga naga-eskwela sa mga universities sa Amerika apang sa karun nakulbaan ang mga ini nga magwa bangud sa mga demonstrador kag mga nainit sa Israel.
Apang suno sa iya, minority lamang ang mga naga-upod ukon nagapanawagan para sa Palestine kag majority sa Amerika ang naga-upod sa Israel.
May mga opisyales naman nga nagkondenar sa nagakatabo nga mga protesta.
May pila nga nakaangkon sang pilas lakip na ang mga kapulisan apang wala sa karun sang recorded casualties.
