Makaon ka pa ayhan sang kan-on kun ang bugas nga imo nabakal linibo ang presyo kada kilo? Sa Japan, may yara sang pinakamahal nga bugas.
Ini ang ginkilala sang Guinness World Record bilang “world’s most expensive rice” bangud nagapanglakaak sa P6,103 ang presyo sini kada kilo.
Ginatawag ini nga Kinmemai Premium rice apang indi ka man maghinulsol bangud amo man ini ang ginasiling nga pinaka-manamit nga bugas sa bilog nga kalibutan.
Ngaa amo gid sini kamahal?
Na-develop ang Kinmemai Premium rice paagi sa pag-ululupod sang lima ka variety sang award-winning rice varieties sang Japan.// Ginpaidalom pa ini sa anum ka bulan nga proseso gamit ang proprietary rice-buffing technology sang isa ka rice corporation sa amo nga pungsod.
Magluwas diri, ang Kinmemai Premium rice ang napamatud-an man nga may superior nutritional values kumpara sa mga ordinaryo nga bugas sa merkado. May ara ini sang LipoPolySaccharides (LPS) nga mas mataas sang anum ka beses kumpara sa conventional white rice. Ini amo ang natural immune system booster nga makabulig sa ikaayong lawas sang tawo agud nga indi ini malatnan sang sakit.
Magluwas diri, ini nga bugas ang 1.8-times nga mas madamo sang unod nga fiber, kag seven times nga mas madamo sang Vitamin B1.
Sang 2016, ini nga klase sang bugas ang exclusive lang sa Japan, pero subong, ginabaligya naman ini sa Singapore.
