Dako ang paglaum sang gobernador sang probinsya sang Negros Occidental nga mangin positibo ang epekto sang African Swine Fever vaccine para sa mga baboy nga nahalitan sang balatian.
Suno kay Governor Eugenio Jose ‘Bong’ Lacson, nagpasalig ini nga sarang sang probinsya nga magpurchase sang vaccine apang sa karun ginahulat pa ang go signal para diri.
Suno sa gobernador, amat-amat lamang ang pagbangon sang hog industry sa probinsya agud nga masafety ang mga baboy samtang may mga positive case sa iban nga lugar.
Nakaligad lamang, may ginpasulod nga mga baboy sa ciudad sang Escalante nga wala sang mga dokumentto ukon clearance kag ini ang ginpabalik sa Cebu apang liwat ini nga ginpasulod sa banwa sang Calatrava kag amo na nga ginkumpiskar.
Sa karun, ginalauman sang gobernador nga liwat nga magsanyog ang hog industry sa probinsya.
