Nagkomiter si Negros Occidental Governor Eugenio Jose “Bong” Lacson sa Department of Health sa pagpangita sang duta nga matukuran sang Mental Health Facility.
Sa interview kay DOH Undersecretary Dr. Mary Ann Maestral, isa sa rasun nga siya ang nagdesider sa pwesto amo ang matuman ang handom nga makatukod sang mental hospital sa Negros Occidental.
Suno diri sa iya nga pagtiyog, kalabanan nga ginapangayo sang mga alkalde bisan sa Negros Oriental ang mental health facility.
Nahibaluan nga may ara sang pribado nga mental health facility apang indi naman masarangan sang kadam-an ang balayran.
Ini ang nagaresulta sa madamo nga mga may himata nga may mental health issue, nga imbes ipabulong, ginapriso na lamang sa balay, ginakadena kag ang iban ang ginapabay-an nalang nga maglayaw sa dalanon.
Suno kay Maestral, nagcommit na si Governor Lacson nga siya mismo ang magafacilitate sa pagpangita sang duta agud matukuran sang Provincial-owned Mental Hospital.
