Nadugangan sang isa pa ang makasumpong ni Negros Occidental Governor Eugenio Jose “Bong” Lacson, matapos magfile sang Certificate of Candidacy sa pagka-gobernador si Engr. Jonathan Paul Octaviano.
Suno diri siya ang miyembro sang Partido Lakas ng Masa kag residente sa ciudad sang Victorias.
Kaupod sini sanday Joel Bantigue sang Talisay City, nga magapapili bilang kongresista sa 3rd District kag Pastor Erie Mahinay sang San Carlos City nga magapadalagan naman bilang 1st District Representative.
Sa pihak nga bahin, natigayon naman ang pagfile sang COC sang anay media practitioner nga si Angelo Quitco bilang Board Member sa 4th District.
Samtang nagbisita man sa Social Hall sang Provincial Capitol si Police Regional Office 6 Director Police General Jack Wanky.
Suno diri, malinong ang COC filing sa bilog nga Western Visayas.
Nakita man sini nga handson sanday Negros Occidental Police Provincial Office Director Police Col. Rainerio de Chavez kag Bacolod City Police Office Director Police Col. Joeresty Coronica.
Nagplastar man ang mga ini sang nagakaigo nga police personnel nga nagabantay sang seguridad sa venue sang COC filing.
