Gin-aprubahan na sang House of Representatives sa 3rd and final reading ang House Bill No. 8418, nga magahatag sang gahum kay Presidente Ferdinand Marcos Jr., nga temporaryo nga buhinan ukon isuspende ang excise tax sa mga produktong petrolyo sa tion sang national krisis sa ekonomiya ukon krisis sa bug-os nga kalibutan.
Nakaagom sang 247 nga boto pabor, tatlo ka nagkontra, kag wala sang abstention.
Suno kay House Majority Leader Ferdinand Alexander “Sandro” Marcos, tinutuyo sang hagna nga mabuligan ang publiko kun magasaka ang presyo sang langis sa global market, nga nagatuga man sang pagsaka sang pamasahe, presyo sang pagkaon, kag kuryente.
Sa hagna, mahimo nga kakason sang Presidente ang P10 kada litro nga excise tax sa gasolina ka P6 sa diesel kun ang presyo sang krudo ang magadangat ukon magsobra sa $80 kada bariles ukon may gindeklarar nga national emergency ukon kalamidad.
Ang suspensyon ukon pagbuhin sang buwis ang mahimo magalawig tubtob anum ka bulan.
