BACOLOD CITY — Madulom naman ang tsansa nga makalusot sa Kamara de Representante ang ginaduso nga hagna nga magatukod sang Negros Island Region pinaagi sa acta republica.
Sa interview sang Bombo Radyo sa author sang hagna nga si Abang Lingkod Partylist Rep. Stephen Paduano, magapakigsapol pa kuntani ini kay House Speaker Pantaleon Alvarez agud hingyuon nga magpatigayon sang public hearing sa Negros Occidental rason nga ginakabig niya nga masubo ini nga adlaw para sa mga Negrosanon bangud sang balita nga ginbungkag na ang bag-ong bun-ag nga rehiyon.
Sa pihak sini, ginpasalig ni Paduano nga ipasiguro sang mga mamalidha halin sa Negros nga mahatagan sa gihapon sang mga programa ang isla.
Suno diri, dapat nga magakadto sa NIR ang mga proyekto kag programa nga dapat batunon sini.
