Nagdangat na sa 10 million ang followers ni Heart Evangelista sa Instagram samtang siya ang yara sa Paris Fashion Week.
Sa Instagram, nagpost si Heart sang litrato sini samtang nagauyat sang balloons kadungan sang iya pagselebrar sang social media milestone.
Sa caption, ginsulat ni Heart ang mga tinaga nga “10 million in Paris” kag nagpasalamat sa tanan.
Suno diri, matapos ang 25 ka tuig sa showbiz, wala gid ini naglaom nga siya ang palanggaon gihapon sang 10 million ka mga indibidwal.
Sa karun si Heart ang yara sa Paris para sa Fashion Week kun sa diin nagarampa ini sa mga dalan kag fashion shows suksok ang matahom nga mga outfits.
Ginkilala sang Vogue Singapore si Heart Evangelista bilang isa ka mga best dressed celebrities sa Paris Fashion Week kaupod ang iban pa nga kilala nga mga personalidad.
