Paga-imbestigahan sang House Committee on Justice, nga ginapangunahan ni Batangas 2nd District Rep. Gerville Luistro, ang extradition request sang Estados Unidos kay Pastor Apollo Quiboloy agud mangin maathag ang mga issue sang proseso.
Ang pagpatigayon sang motu proprio investigation ang bangud sa hingyo ni Akbayan Party-list Rep. Perci Cendaña, nga nagpanawagan sa komite ni Luistro nga magpatigayon sang inquiry in aid of legislation may kaangtanan sa extradition request kay Quiboloy.
Ang formal motion agud dayunon ang imbestigasyon ang ginfile ni Committee Vice Chairman, Bukidnon 2nd District Rep. Jonathan Keith Flores.
Gin-aprubahan ni Luistro ang motion matapos wala sang pagpamatok nagikan sa mga miyembro.
Apang antes ini, nagpatigayon anay sang madalom nga deliberation ang mga mamalidha natuhoy sa mga kinahanglanon sang imbestigasyon.
