Nagapati ang political analyst nga ang dynamics sang Senado para sa imbestigasyon sa flood control projects may yara sang relasyon sa impeachment trial ni Vice President Sara Duterte.
Madumduman nga nagperma sanday Committee Chair Senator Panfilo Lacson, Senators Bam Aquino, Risa Hontiveros kag Kiko Pangilinan sa partial report sang Senate Blue Ribbon Committee angot sa imbestigasyon sa flood control projcet samtang, nagwithdraw naman sang ila perma sanday Senators Juan Miguel Zubiri, JV Ejercito, kag Sherwin Gatchalian.
Sa interview sang Bombo Radyo Bacolod kay Atty Jomax Ortiz, mahimo nga pipila lang ang nagperma bangod iban indi luyag nga malakip ang ila mga abyan nga Senador sa makasohan sa flood control anomalies.
Suno diri, kun madayon naman nga ipasa ni Lacson ang report sa Office of the President kag Office of the Ombudsman, mahimo nga ang iban sa mga Senador indi na magperma nga madayon ang impeachment trial ni Vice President Sara Duterte bangod ginpasa ang ila pangalan sa mga makasohan.
Ini ang pagatun-an pa ni Lacson kun dayonon niya gid man ang pagpasa sang report bangod kinahanglan ang perma sang mga Senador para sa impeachment trial sang bise presidente.
