Patigayunon sa probinsya sang Siquijor ang signing ceremony sang implementing rules and regulations sang layi nga nagtukod sang Negros Island Region.
Suno kay Negros Occidental 5th District Representative Dino Yulo, posible nga mapirmahan ang IRR antes pa man matapos ang bulan sang Agosto.
Suno diri, natapos na ang draft sang IRR kag ini ang iga-publish.
Hatagan man sang kopya ang mga opisyales sang tatlo ka probinsya sang Negros Occidental, Negros Oriental kag Siquijor.
Nalakip sa IRR ang plano kun diin ihamtang ang regional offices kag nakasugtan man diri ang pagpatindog sang mga satellite offices.
Dugang pa sini, wala naman sang problema para sa mga empleyado sang regional office nga sayluhon kun natapos na ang pagpatukod sang mga regional offices.
Pahayag ni Yulo, wala sang problema kun wala nalakip sa 2025 national budget ang NIR bangod nga may yara pa sang nabilin nga budget ang tatlo ka probinsya gikan sa 2024 budget.
