Indi magnubo sa 30 ka mga persona ang nagkalamatay sa stampede nga nagluntad sa Kumbh Mela festival sa India kadungan sang pagtililipon sang mga Hindu devotees’ para sa isa ka ritual bath kun sa diin nagatabo ang tatlo ka mga balaan nga suba.
Ginkumpirmar sang mga state authorities nga malapit tatlo ka dosena ang nagkalamatay sa crowds samtang dugang nga 60 ka mga persona ang pilason.
Gindala ang mga bangkay sa isa ka hospital morgue malapit sa site sang festival.
Ginalauman nga magasaka pa ang numero sang mga nagkalamatay.
Nagluntad ang stampede sang nagtuyo ang pila ka mga deboto nga maglumpat sa barricades nga gintukod agud i-manage ang crowds sa holy dip.
Suno sa pila ka mga witnesses, nagsirado ang mga routa sang tubig rason kun ngaa nag-untat sa pagiho ang crowd nga gintunaan sang pagcollapse sang pila ka mga persona bangud sa suffocation samtang ang iban ang nagsugod sa paghimo sang mga tikang agud makagwa.
May mga pagdinis-uganay nga natabo sa nagkalain-lain nga bahin suno sa mga witnesses.
Masobra sa 57 million ka mga persona ang nagpadulong sa nasambit nga suba sang Miyerkules para sa nasambit nga festival.
