Nakuha sang Indiana Pacers ang kadalag-an sa Game 3 sang NBA Finals batok sa Oklahoma City Thunder.
Ang hampang ang natapos sa score nga 114-107 pabor sa Pacers.
Sa karun, may 2-1 lead na ang Indiana.
Sa interview sang Bombo Radyo Bacolod kay Sports Analyst Coach Leo Ceralbo, dako nga rasun sa kapierdihan sang Oklahoma amo ang naghuyang nga performance sang team.
Suno diri sang Game 2, lima ka players sang Oklahoma ang nakascore sang double digits, kag ginalauman ang contribution sang mga bench, apang ini ang wala makita.
Dugang pa sini nga pigaw man ang hampang ni Shai Gilgeous-Alexander.
Isa pa sa nakita sini ang offensive lapses sa nabilin nga duha ka minutos sang hampang kun sa diin duha gid ang wala napasulod, apang naconvert sang Indiana sa puntos sa pagbalik sa ila.
Ini ang nagresulta sa pagdako sang lead sang Indiana sa ulihi nga bahin sang hampang.
Nangin maayo man ang taktika sang Indiana nga pagputos kay SGA, agud ini ang mabudlayan sa pagpasa sang bola.
Dalayawon naman ang nangin performance ni Bennedict Mathurin sang Indiana, nga naghatag sang mataas nga score, sa trio nila nanday Pascal Siakam kag Tyrese Haliburton, nga kun tingbon nakacontribute sang masobra tunga sa hampang.
Suno diri, sang una ginpasulod si Maturin, ini ang nagpamuntos, apang sang ginpagwa amat amat nga nakabawi ang Oklahoma.
Ginalantaw ni Coach Leo nga ginpapahuway lamang ini agud liwat mabuy-an sa fourth quarter.
Suno kay Coach Leo, kun malutos pagid sa Game 4 ang Oklahoma, ginalantaw sini nga wala na sang matabo nga Game 6.
Apang kun makabawi ang Oklahoma, mahimo nga magdangat pa sa Game 7.
Ang Game 4 ang patigayunon sa Sabado, Hunyo 14 alas-8:30 sang aga.
