Ginbuksan sang law enforcement officials gikan sa Ukraine, European Union kag Estados Unidos kahapon ang international center agud nga magdihon sang mga kaso batok sa pamunuan sang Russia para sa 2022 invasion sa Ukraine.
Ginreview sa karun sang mga otoridad sang Ukraine ang masobra 93,000 reports sang war crimes kag nagpasaka sang kaso batok sa 207 ka mga suspects sa domestic courts.
Ang High-level perpetrators ang igahearing sa International Criminal Court (ICC) sa The Hague, kun sa diin nagpahayag na sang pag-aresto kay Russian President Vladimir Putin.
Apang bangud sa gap sang international law, wala sang korte nga makaprosecute sa crime of aggression sa mismo nga pagpangsakop sadtong Feb. 24, 2022.
Ang bag-o nga International Centre for the Prosecution of the Crime of Aggression (ICPA),nga nahamtang man sa The Hague, ang magatrabaho upod sa ICC, ang permanente nga korte sa kinagamo sa kalibutan kag nangin taytay sang legal gap.
Suno kay Andriy Kostin, top prosecutor sang Ukraine, ang bag-o nga sentro ang magakolekta sang mga ebidensya para sa posible nga kaso batok sa Russian military kag political leaders nga responsable sa inaway.
Suportado sang European Union, United States kag sang Joint Investigation Team para sa Ukraine, ang sentro ang mangin forerunner sang special tribunal sang pagsalakay kag magadihon sang kaso nga ipasaka sa korte samtang magahatag man ang Estados Unidos sang mga ebidensya.
Ang ICC ang may jurisdiction sa pagprosecute sang mga gina-aligar nga war crimes, crimes against humanity kag genocide sa Ukraine, apang bangud sa legal constraints wala sini masakop ang crime of aggression.
Ginpahayag sang gobyerno ni Putin nga ginlakip sini ang bahin sang nasidlangan kag nabagatnan sang Ukraine sa isa ka special military operations agud nga proteksyunan ang mga Russian speakers kag depensahan ang borders sini gikan sa aggressive Western ambitions.
