Patay ang isa ka pedestrian matapos nga mabungguan sang Fuso Fighter Truck saBacolod-Silay Access Road, near Palm Estate Subdivision, Hacienda Otilia Barangay Efigenio Lizares, Talisay City, Negros Occidental, subong nga Lunes, pasada alas 8:00 ang takna sang gab-i,Enero 5, 2026
Ang pedestrian ang wala pa makilal-an apang nagasuksok ini sang itum nga t-shirt, black short, medium build kag ginabanta 5’3 ang kataason kag ginalantaw nagaedad sang 35 tubtob 40 anyos.
Ginkilala naman ang driver sang truck nga si Placido Tibor Jr., 46 anyos, lalaki, kasado kag residente sang Brgy. Malingin, Bago City, Negros Occidental.
Sa inisyal nga imbestigasyon sang Talisay City Police Station ang truck ang nagabiyahe halin sa Silay City padulong sa Bacolod City sa outer lane kag nakalab-ot sa ginluntaran sang aksidente aksidente sini nga nabungguan ang biktima nga nakaangkon sang samad sa ulo.
Gilayon man nga nagresponde ang personnel sang Talisay City Disaster Risk Reduction Management Office sa pagpanguna ni John Philip Gallego, ang ila Team Leader kag naobserbahan nga nadulaan na sang kabuhi ang biktima.
Ang truck kag ang driver sini ang yara na sa custody sang Talisay City Police Station for proper disposition.
