Isa patay sa nagluntad nga karambola sang tatlo ka motorsiklo sa dalan Araneta, Brgy Tangub, Bacolod City, alas- 9:20 kagab-i.
Sa intreview kay Ludy Agita, residente sang Prk.2, Brgy.Basak, Cauayan, Negros Occidental, nagabyahe ini sakay sa iya motorsiklo angkas ang iya asawa nga si Ronita Borleo, 52 anyos sang hinali lang may nakabunggo sa likod sang iya motor.
Nagasunod sa likod sini amo si Alexander Pritos, 39 anyos, residente sang Brgy.Singcang -Airport, Bacolod City, Negros Occidental nga nagamaneho man sang motorsiklo.
Apang nagbunggo naman sa likod ni Pritos ang motorsiklo nga ginamaneho ni Roldan Barrameda Jr, 33 anyos residente sang Prk Roadside, Brgy.Tangub, Bacolod City, Negros Occidental.
Lima tanan ang pilason apang kaina sang aga, isa diri ang nadulaan sang kabuhi.
