Nag-agom sang pelvis contusion si Jimmy Butler sang Golden State Warriors matapos nga matumba sa katapusan sang first quarter batok sa Houston Rockets kun sa diin wala na sini napadayon pa ang hinampang.
Napierde naman ang team sini sa score nga 94-109.
Suno kay Coach Steve Kerr indi pa ini sigurado kun mahimo makabalik sa game si Butler para sa Game 3.
Suno diri, masami nga nagahambal si Butler nga okay lang ini apang dapat siya ipaidalum sa gihapon sa mga test.
Na-injured si Butler sang nabunggo si Amen Thompson sa iya tiil sang naglumpat ini para mag-grab sang rebound.
Nagbunggoanay ang duha ka player apang madugay nga wala nakatindog si Butler.
Pagtindog sini mahinay ang iya paglakat sa court para magshoot sang free throws kag ginpagwa na sa game kag dali-dali nga gindala sa locker room.
