Patay ang 49-anyos nga Job Order matapos ginluthang sa Sitio Macarandan, Barangay Camindangan, ciudad sang Sipalay , Negros Occidental pasado alas-3:00 sang hapon sang Biyernes, Disyembre 5, 2025.
Sa interview sang Bombo Radyo kay Police Lieutenant Cipriano Lumanog III, hepe sang Sipalay City Police Station, ang biktima ang ginkilala nga si Rogen Fuentes, kasado, Job order sa idalom sang Enro Maintenace kag residente sang nasambit nga lugar.
Suno diri, padulong kuntani si Fuentes sa iya punong sang hinali lang ini ginluthang sang wala makilal-an nga suspek.
Gindala pa sa ospital si Fuentes apang gindeklarar nga dead on arrival.
Narecover sang mga kapulisan ang duha ka empty shells; isa ka 5.56 caliber; isa ka 7.62 caliber sa kalayoon nga 30 meters ang distansya sa bangkay sang biktima.
Padayon ang imbestigasyon sang kapulisan agud matumod ang identity sang suspect.
